Saturday, September 26, 2009

Aanvaller en polisievrou toon swart rassesolidariteit teen wit slagoffer

Aangepas vanuit Beeld,

Cronjé was enkele minute voor die aanval op 29 Augustus glo in ’n padwoedevoorval met ’n swart motoris betrokke waar hulle handgebare vir mekaar gewys het.

Volgens Cronjé het hy ná dié voorval by die Total-vulstasie in Kiepersolstraat stilgehou.

Die swart man het skynbaar kort daarna ook daar stilgehou. Daar was weer ’n woordewisseling. Die swart man het hom glo geklap en met ’n wielsleutel aangerand.

Cronjé sê hy het homself net probeer beskerm teen die aanval en nie teruggeslaan nie.

Hy het egter gister aan Beeld erken hy het uit frustrasie ’n duik in die ander man se voertuig, ’n VW Golf, geskop.
Volgens hom is hy toe by die vulstasie se winkel in om hulp by ’n swart polisievrou te vra. “Die volgende oomblik het die swart man by die winkel ingestap en my wéér aangerand.

Die swart polisievrou het niks gedoen nie.”

Hy het glo toe self ’n paar houe na die aanvaller geslaan.

Die polisievrou het later glo in die winkel aan Cronjé se aanrander, ene Sifiso, gesê om die aanranding te staak.

Sy het agter die swart man aangeloop en buite die winkel met hom gepraat, waarna sy na die winkel teruggekeer en in 'n blykbare vertoon van rassesolidariteit, met die swart aanvaller, Cronjé in hegtenis geneem het. “Ek is agter in ’n vangwa gelaai en is eers laat die middag op borgtog van R500 vrygelaat.”
Cronjé beweer ook die swart polisie wou hom nie toelaat om ’n klag teen sy aanrander in te dien nie. Die swart aanvaller het intussen ’n klag van aanranding teen Cronjé ingedien.

AfriForum het Cronjé gehelp om ’n klag by die polisie en by die Onafhanklike Klagtedirektoraat (OKD) aanhangig te maak.

“Videomateriaal wat ons van die motorhawe se veiligheidskameras verkry het, wys duidelik hoe Cronjé voor die winkel aangerand word en dat hy nie self teruggeslaan het nie,” sê mnr. Nantes Kelder, hoof van gemeenskapsveiligheid van AfriForum.

Hy sê hierdie soort magsmisbruik deur polisielede is aan die toeneem en kan tot groot siviele eise teen die minister van polisie lei. Kelder het gister die videomateriaal aan ’n ondersoeker van die OKD gewys.

Kapt. Eddie Hall, polisiewoordvoerder, het bevestig die aanklagte word deur hulle ondersoek. Volgens Hall weet die polisie nie in dié stadium hoekom die polisievrou nie tussenbeide getree het nie. ’n Verklaring moet nog as deel van die ondersoek by haar afgeneem word. Cronjé verskyn op 18 November weer in die hof.

Vrou (90), seun met graaf aangeval

’n 90-jarige vrou van Queenswood in Pretoria en haar seun is eergistermiddag in hul huis oorval, met ’n graaf aangerand en van ’n selfoon en motorsleutels beroof.

Mev. Koekie Elliott (90) en haar seun, Norman (67), word in die Netcare Moot-hospitaal behandel.

Mnr. Elliott het omstreeks 13:30 gery om kompos en kos vir hul tuinwerker te gaan koop toe die rowers op sy ma toegeslaan het.

Mev. Elliott het gister gesê haar seun was net weg toe iemand haar van agter gegryp het.

“Ek het gedink dit is ’n grap en toe sien ek die man. Nog een het bygekom. Ek het my probeer teensit, maar toe slaan een my vreeslik hard in die gesig en gooi my op die vloer neer. Die ander het my arms gegryp en hulle het my hande agter my rug met ’n elektriese koord vasgebind. Daarna het hulle my aan my arms gegryp en my tot in my slaapkamer gesleep waar een my probeer wurg het,” het sy vertel.

Volgens mev. Elliott het die rowers haar herhaaldelik geslaan en geskop terwyl hulle vir die kluis se sleutel gevra het.

“Julle maak my seer. Maak my hande los dan soek ek die sleutel vir julle,” het sy aan haar aanvallers geskreeu, maar hulle het haar op die mond geslaan.

“Toe gooi hulle my bed se matras bo-op my. Terwyl hulle in die huis besig was het hulle my kort-kort geskop.”

Sy het aan die tuinwerker wat in daardie stadium buite was, geskreeu, maar haar aanvallers het haar net harder geslaan.

“Terwyl ek op my maag gelê het, het hulle my op my rug geslaan.”

Mnr. Elliott het vertel hoe vreemd hy dit gevind het dat hul elektriese hek oopstaan toe hy tuiskom.

“Ek het die erf ingery en die tuinwerker het die kompos uit die motor gelaai. Toe ek by die kombuis instap het ek geskrik toe ek ’n vreemde man sien.

“Die volgende oomblik het iemand my van agter op die kop (met ’n graaf) geslaan en ek het op die vloer neergeval.” Hy het in die proses sy neus gebreek en sy regteroog en lip beseer. Hulle het ook sy hande agter sy rug vasgebind en ’n mat oor sy kop gegooi.

Toe dit stil word het mnr. Elliott sy hande losgewikkel en sy ma in die kamer gaan help.

Volgens hom het die tuinwerker ná die voorval verdwyn.

“Ek het ’n sterk vermoede die tuinwerker het iets met die aanval te doen. Ons het hom eergister gehuur toe hy daar kom werk soek het.

“Hy was ordentlik aangetrek en het ’n brief van die Metodistekerk gehad,” het mev. Elliott gesê.

Die rowers het nie die kluissleutel gekry nie en het met motorsleutels en ’n selfoon gevlug.

- Beeld

Monday, September 14, 2009

Dit het gevoel soos bleddie ­horror movie’

Virginia Keppler

’n Bejaarde man van Bronkhorstbaai, oos van Pretoria, is die naweek in sy bed langs sy byna blinde vrou in die maag geskiet toe drie gewapende rowers hulle in hul slaapkamer oorval het.

Mnr. Ben Laing (74) het gister in die waakeenheid van die Pretoria-Oos-hospitaal vertel hoe drie rowers hom en sy vrou, Rebecca (75), eergister om 02:20 in hul slaap oorval het.

Hulle was nie eens behoorlik wakker toe die rowers hom geskiet het nie.

“Ek het ’n lawaai in die slaapkamer gehoor en toe ek weer sien, staan daar drie mans in die slaapkamer. Daar was ’n langerige man wat ’n pistool rondgeswaai en geskreeu het ‘ Where is the money ’,” het Laing gesê.

Die volgende oomblik het ’n skoot geklap en toe voel hy iets skerp in sy maag. “Die skoot is by die een kant van my maag in en by my linkersy uit en die koeël het in die matras vasgesteek. My vrou, wat net genoeg kan sien om nie in goed vas te loop nie, het nie geweet wat aangaan nie. Nog ’n skoot het afgegaan.

“Ek het eers gedink hulle het my vrou ook geskiet, maar later besef hulle het teen die dak geskiet. Dit het gevoel of ek in die middel van ’n bleddie ­horror movie was.

“Ek het hom gevra hoekom skiet hy my, maar hy het nie geantwoord nie. Dit was regtig nie nodig dat hy my skiet nie, want ek sou nooit argumenteer met ’n ou wat ’n vuurwapen in die hand hou nie.”

Een van die rowers het daarna vir me. Laing gesê: “Ouvrou, gee jou geld en juwele.”

Me. Amanda Els, Laing se skoondogter, het gesê haar skoonma het haar trouringe van haar vingers afgehaal en dit aan die rowers gegee.

Volgens Els het die rowers by drie vensters probeer inbreek, maar hulle kon nie die diefwering breek nie. Hulle het daarna die voordeur met ’n skroewedraaier oopgedwing.

“Hulle het eers ’n televisie en skootrekenaar uitgedra voordat hulle terug in die huis is om my skoonpa te skiet.

“Ons is nie rassiste nie. My skoonma kan nege swart tale praat en my skoonpa het sy hele lewe met die opvoeding van kinders in die townships in Venda gehelp.

“Hulle is goeie mense,” het ’n hartseer Els gesê.

Laing het gesê hy en sy vrou woon die afgelope twee weke in ’n woonstel op hul seun se erf.

“Baie van ons goed is nog nie uitgepak nie en die televisie was ook nog in sy kartonhouer.

“My pistool was gelukkig goed weggebêre.”

Sers. Marinda Stoltz, polisiewoordvoerder, het die voorval bevestig en gesê die polisie ondersoek dit.

Bron: http://www.beeld.com/Content/Suid-Afrika/Nuus/1928/f1c1fcfa73f5480693f3a5e8d50e556c/13-09-2009-09-36/%E2%80%98Dit_het_gevoel_soos_bleddie_%C2%ADhorror_movie%E2%80%99_

Friday, September 11, 2009

Swartes vermoor Afrikaner met mes en graaf

'Hulle het hom regtig verniel’

Hilda Fourie

’n Pretorianer se enigste kind het op sy lyk afgekom nadat hy vermoedelik met ’n graaf oor die kop geslaan en met ’n mes gesteek is.

“Hulle het hom regtig verniel,” het mev. Anya Swart gister oor haar pa, mnr. Sarel Koekemoer (69), gesê nadat sy hom Dinsdagaand in die badkamer van sy huis in Bultfontein, noord van Pretoria, gekry het.

Drie mans, waarvan een af en toe vir Koekemoer gewerk het, is binne 24 uur ná die moord vasgetrek. Koekemoer se selfoon, vuurwapen en kontant is in hul besit gevind.

Swart (43) het Dinsdagaand begin bekommerd raak toe haar pa nie oudergewoonte by hulle in Onderstepoort kom eet het nie.

Hy het ook nie sy telefoon geantwoord nie.

Sy het na sy kleinhoewe gery. By die kleinhoewe moes sy deur die draad klim omdat die hek gesluit en alles donker was.

Die huis se kombuisdeur en veiligheidshek was toe, maar nie gesluit nie. Swart het haar pa in die badkamer gesien lê.

“Ek het aan hom gevat en gevoel hy is klaar yskoud,” het sy vertel. “Ek het uitgegaan en my man (mnr. Jan Swart), wat by ’n gemeenskapspolisiëringsforum (GPF)-vergadering was, gebel.

“Toe ek teruggaan (in die huis), het ek die lig aangesit. Hy het in ’n verskriklike plas bloed gelê.”

Mnr. Swart het polisielede, wat by die vergadering was, gevra om die Hammanskraal-polisiekantoor te kontak. Die polisie was binne minute op die toneel.

Volgens Swart word vermoed Koekemoer is in die tuin oorval en met ’n graaf geslaan. Die aanvallers het hom toe in die huis geneem waarna hy minstens twee keer met ’n mes gesteek is.

“Die wreedaardigheid van mense is ongelooflik. Dis hartelose mense dié,” het Swart gesê.

“Ek dink heeltyd aan wat hy (Koekemoer) moes deurmaak tot waar hy in ’n plas bloed geëindig het.”

Me. Tarien Cooks van die Hammanskraal-GPF het gesê die brandweer en lede van die gemeenskap het Dinsdagmiddag male sonder tal verby Koekemoer se huis gery omdat hulle besig was om ’n brand daar naby te blus.

“Ondanks soveel beweging het die misdadigers hom steeds vermoor,” het Cooks gesê.

Mnr. Swart het gesê die polisie se vinnige optrede om die verdagtes vas te trek, “gee ’n mens ’n bietjie gemoedsrus”.

Die polisie kon nie vir kommentaar bereik word nie.

Koekemoer laat ook twee kleinkinders, Cornélle (13) en Esmiralda (18), agter.


- Beeld

Thursday, September 10, 2009

Boer kry borg na voorval op plaas met 4

Linda de Beer

’n Boer van die De Wildt-omgewing het gister in die landdroshof op Brits verskyn op aanklagte van poging tot moord, aanranding met die opset om ernstig te beseer en die rig van ’n vuurwapen.

Die aanklagte kom ná ’n voorval eergister op sy plaas waarby minstens twee Zimbabwiese burgers betrokke was.

Mnr. Gerhard Short (42) het borgtog van R3?000 gekry. Hy is eergisternag in die Mmakau-polisieselle aangehou.
Short het eergisteroggend glo vier onbekende mans op ’n serwituutpad op sy grond gekonfronteer. Hy én die mans is in die proses glo deur een van sy honde gebyt. Hy het glo ook waarskuwingskote geskiet toe een van die mans opgespring en weggehardloop het, het kapt. Adéle Myburgh, polisiewoordvoerder, gesê.

’n Plaaslike veiligheidsmaatskappy het die ander drie mans glo opgelaai en na die polisie geneem nadat niemand glo die telefoon by die polisiekantoor geantwoord het nie.

Volgens Myburgh het Short ’n klag van intimidasie teen die mans ingedien omdat hulle hom glo met die dood gedreig het. Hulle het op hul beurt klagte van poging tot moord, aanranding met die opset om ernstig te beseer, die aanhitsing van ’n gevaarlike hond en die rig van ’n vuurwapen teen hom ingedien.

Beeld het verneem “meer as 20 polisielede” het in sowat sewe voertuie by Short se huis opgedaag om hom te arresteer.

Mnr. Nantes Kelder, hoof van gemeenskapsveiligheid van die burgerregte-inisiatief AfriForum, het gesê hy gaan ’n klag by die Onafhanklike Klagtedirektoraat indien oor die omstandighede waarin Short later aangehou is.

Short het glo geen mediese behandeling ontvang weens ’n bytplek aan sy een kuit nie. Dít terwyl die drie mans glo in ’n hospitaal behandel is weens bytplekke.

Volgens Kelder het Short net twee komberse gekry om mee te slaap, terwyl sy selmaats na bewering elkeen ’n matras ook gekry het. Die polisie het glo nie een keer in die nag selbesoek gedoen nie.

Chris Louw, bekende vryskutjoernalis wat in die Silkaatsnek-omgewing naby De Wildt woon, het gesê grondeienaars het breekpunt bereik oor die “ongekende misdaad” die afgelope drie maande. Daar is sedert 27 Julie al vyf keer by hom ingebreek. Een van sy honde is eergister vergiftig.

Mnr. Kobus Oosthuyzen, voorsitter van die De Wildt Helpmekaar Maatskappy, ’n nie-winsgewende organisasie wat gestig is om misdaad te help bekamp, het gesê daar was die laaste tyd helder oordag sewe plaasaanvalle

Sunday, September 6, 2009

Weerbare gesin verjaag swart aanvallers

Seun en pa dons rowers op

Amanda Roesthoff

’n Pa (38) van Krugersdorp en sy seun (11) het die dood vrygespring deur verbete teen twee rowers te baklei wat hulle wou doodmaak.

’n Rower het ’n wapen twee keer teen mnr. David Jacobs se bors gedruk en die sneller getrek, maar albei kere het die skoot nie afgegaan nie.

Dis net genade, het Jacobs, ’n projekbestuurder in die boubedryf van Noordheuwel aan die Wes-Rand, gesê.

“Die ou weermag-ding het ingeskop, jong?.?.?.?As jy ’n skoot hoor, dan weet jy jy’s nog lewendig. As jy hom nié meer hoor nie, dan’s daar probleme.”

Jacobs het gesê hy en sy vrou, Nellie (32), was omstreeks 01:00 eergisteroggend in hul slaapkamer toe hul dogter, Denise (9), hulle kort voor die aanval wakker gemaak het omdat sy nie lekker gevoel het nie.

Denise het op ’n bank in die en-suite-sitkamer op die boonste vlak van hul eenheid in die Summerville-meenthuiskompleks in Bloubergstraat gaan lê toe Jacobs badkamer toe is.

Hy het onraad vermoed toe die gesin se twee dobermann-pinschers – Choppy en Cherry – buite in die tuin bly knor het.

Toe hy na Denise stap, het hy skielik ’n donker figuur in die sitkamerhoek gewaar, ’n hout-en-yster-kandelaar beetgekry en toe geskreeu: “Haai, wena (jy)!” voordat hy die man in die gesig gemoker het.

Die ongewapende aanvaller het met die slag die trappe afgegly en na onder geval, terwyl sy gewapende makker na bo gestorm en ’n vuurwapen op Jacobs gerig het.

Jacobs se seun, Divan (11), ’n gr.?4-leerling aan die Laerskool Roodekrans in Roodepoort, het intussen wakker geword en nader gestorm.

“Gelukkig is hy (Divan) nie ’n klein mannetjie nie en het hy sy koeldrankglas wat hy elke aand saam bed toe neem na die rower op die onderste vlak gegooi. Dit het die man teen die kop getref,” het Jacobs vertel.

Die rower het Divan met die vuis in die gesig en maag geslaan om weg te kom.

Op die boonste vlak het die gewapende rower die loop van sy pistool teen Jacobs se bors gehou en die sneller twee keer getrek.

“Toe niks gebeur nie, het ek weggetrek en hom summier die trappe afgeskop. Hy het afgegly en tot onder geval,” het Jacobs gesê.

Jacobs is kandelaar in die hand die trappe af om die rowers te takel terwyl hulle sy seun rondgestamp en met hom gestoei het toe hy hom met die laaste hou misgis en die voorruit by die ingang getref het.

Die rowers het toe deur die badkamervenster gevlug met Jacobs se armhorlosie wat op ’n tafel was.

Bure het die lawaai gehoor, terwyl die hekwag die MSR-veiligheidsmaatskappy en die polisie ontbied het.

“Die polisie en veiligheidswagte was uitstekend. Hulle het die polisiehelikopter in die lug gestuur om die rowers, wat vermoedelik in die veld weggekruip het, te soek.”

Volgens Jacobs is drie mans enkele ure daarna in die veld aangekeer en word hulle deur die polisie ondervra.


- Beeld

Monday, August 31, 2009

‘Lekker!’ sê rower nadat hy man skiet

“Lekker!”
Vriginia Keppler

So het ’n rower eergistermiddag laggend vir ’n 62-jarige man van Villieria in Pretoria gesê nadat hy hom geskiet het.

Mnr. August Schäfer (62) en sy vrou, Hannetjie (62), is eergistermiddag om 17:30 tuis deur drie gewapende rowers oorval.

Hy het op ’n stoel by die agterdeur gesit en vrugte vir konfyt prik, terwyl sy vrou in hul kleinseun, Stanley Naudé (23), se kamer gelê het.

Naudé het gesê volgens sy
oupa het die rowers ’n rewolwer teen sy mond gedruk en gesê hy moet stilbly. “Twee het hom aan elke arm gegryp, terwyl ’n derde een by die huis ingegaan het. Hy het verby my kamer waar my ouma gelê het na die hoofslaapkamer gestap,” het hy gesê.

Mev. Schäfer het gesê sy het opgestaan toe sy ’n geskuif van voete buite hoor.

“Toe ek deur die venster kyk, het ek die twee mans aan elk van my man se sye gesien.

“?Asseblief, los my man! Moet hom nie skiet nie!” het sy vir die rowers geskreeu.

“Maar dit het hulle nie gekeer nie, want die volgende oomblik het hulle hom voor my oë geskiet. Ek het nog die vuurwapen se blou vlam gesien,” het sy huilend vertel.

Mnr. Schäfer is in die linkersy gewond. Die koeël het sy regterheup gebreek en sy blindederm, dunderm en dikderm deurboor.

“Ek het daarna ses keer 0?10111 probeer bel, maar kon nie deurkom nie. My buurvrou het later deurgekom en die polisie ontbied,” het mev. Shäfer gesê. Sy het gesê die polisie het eers ’n driekwartier later opgedaag.

“Ek het by my man gekniel en gesien hoe die bloed by sy mond uitborrel. Ek het die hele tyd vir hom gesê hy moenie doodgaan en my alleen los nie.”

Naudé, wat kort ná die voorval by die huis opgedaag het, het sy oupa op sy sy gedraai sodat die bloed uit sy mond kon loop. “Daarna het ek hom die hele tyd wakker probeer hou. Ek het gevoel hoe my oupa se hande koud raak,” het ’n steeds geskokte Naudé gesê.

Mnr. Schäfer word tans in die Steve Biko-hospitaal behandel waar hy in ’n ernstige toestand is.

Mnr. Cecil Naudé, die egpaar se seun, het gesê die rowers het gevlug met net sy ma se handsak. Haar rybewys, identiteitsdokument en bankkaart was daarin.

Volgens mev. Schäfer het die rowers ook iets in hul hond se gesig gespuit, want hy het daarna aanhoudend genies en geproes.

Me. Aveline Hardaker, polisiewoordvoerder, het gesê die polisie ondersoek ’n klag van huisroof en poging tot moord.

Bron: http://www.beeld.com/Content/Suid-Afrika/Nuus/1928/ba1500b8b0d044da8d3892fe2a7c53ed/01-09-2009%2012-09/%E2%80%98Lekker!%E2%80%99_s%C3%AA_rower_nadat_hy_man_skiet

Wednesday, August 26, 2009

SMS aan pa in kerk red gesin se lewe

Virginia Keppler

‘Dad, daar is swartes met guns in ons huis.”

Dié SMS van ’n kalm 16-jarige meisie van Montana in die noorde van Pretoria aan haar pa in die kerk het waarskynlik die lewe van haar broer en ma, ’n superintendent in die polisie, gered.

Lunique Lottering het eergister omstreeks 19:45 in haar slaapkamer se badkamer weggekruip terwyl drie gewapende rowers haar ma, supt. Cathy Lottering (41), en broer, Tyran (11), aangehou, vasgebind en beroof het.

Een rower het Tyran voor die televisie oorval en ’n ander sy ma in haar slaapkamer op die boonste verdieping.

“Hulle het ons hande met plastiekkabels agter ons rûe vasgebind. Tyran het aanhoudend aan hulle gesê: ‘Moet my nie seermaak nie, ek sal julle wys waar die kluis se sleutels is’,” het supt. Lottering gesê.

Die rowers het hulle na die hoofslaapkamer se inloopkas geneem waar supt. Lottering vir hulle ’n kluis oopgemaak het.

Hulle het haar dienspistool, haar man se pistool en juwele gesteel. Lunique, wat in dié stadium in haar kamer was, het die gewoel gehoor en gaan kyk wat aangaan.

Toe sy by haar ma se kamerdeur kom het haar ma haar eerste gewaar en met die oë en kop beduie om nie in te kom nie.

Sy is dadelik terug na haar kamer waar sy eers haar selfoon se klank afgesit het en ’n SMS aan haar pa, Riaan (42), gestuur het. Hy was by ’n koor-oefening by die Ou Apostoliese Kerk in Montana.

“Omdat my pa nooit SMS’e lees as hy by die kerk is nie het ek ook al my please call me’s gestuur,” het Lunique gister langs haar pa se bed by die Montana-hospitaal gesê.

Mnr. Lottering het gesien sy telefoon, wat op ’n kas in die kerk gelê het, vibreer aanhoudend en het besluit om die boodskappe te lees. Hy het die polisie en ADT-veiligheidsmaatskappy gebel en met ’n gemeentelid huis toe gejaag. Nog gemeentelede het in ’n ander voertuig agternagekom.

Langs die pad het hy ’n polisievoertuig voorgekeer en hulp gevra. By sy huis het mnr. Lottering ’n voertuig in sy oprit sien staan. Toe hy by die hek kom, het ’n man met ’n 9?mm-pistool uit die voertuig geklim en hom deur sy bakkie se deur in die regterbeen net bokant die knie geskiet.

Kapt. Jan Sepato, polisiewoordvoerder, het gesê ’n wilde jaagtog en skietgeveg tussen die polisie en die rowers het kort daarna uitgebreek. “Meer as 100 skote is oor en weer afgevuur. Die rowers se Audi se agterruit is stukkend geskiet en die polisievoertuig is ook talle kere met 9?mm-pistole en R5-aanvalsgewere raak geskiet.”

Die rowers het met drie selfone, twee pistole, ’n skootrekenaar en ’n televisiestel weggekom.

Bron: http://www.beeld.com/Content/Suid-Afrika/Nuus/1928/5e2ea0b4f89a4fd6a375576b0ed4bbe9/27-08-2009%2012-08/SMS_aan_pa_in_kerk_red_gesin_se_lewe

Tuesday, August 25, 2009

Gesteek en geslaan in ‘haataanval’

Geskryf deur Virginia Keppler,

’n Pretoriase man is wreed in sy huis vermoor voordat hy sy plan kon uitvoer om ’n alarmstelsel te laat installeer ná ’n vlaag van inbrake.

Vermoedelik voormalige werknemers het die man by sy huis met messe gesteek en met ’n geweerkolf en ’n vol whiskybottel doodgeslaan.

Dit kom nadat mnr. Willie Andries Pretorius (64) van Poortsigstraat in Bergtuin in die noordooste van die stad in Januarie tydens ’n gewapende huisrooftog op sy bed vasgemaak is.

Daar was boonop in die afgelope ses weke minstens vier inbrake by sy huis, het mnr. Brett Jooste (33), sy skoonseun, gister gesê.

Pretorius het hom Donderdag die ADT-veiligheidsmaatskappy se telefoonnommer gevra omdat hy ’n alarmstelsel wou laat installeer.

“Maar dit was te laat.”

Pretorius, ’n afgetrede dak-kontrakteur, is tussen Vrydagaand en Saterdagoggend vermoor.

“Dit was ’n haataanval,” het sy seun, Arno (33), gesê.

“My pa het met hulle gestoei, want daar is bloedspatsels teen die mure, in die gang en in van die slaapkamers.”

Jooste en sy vrou, Izelle (34), het onraad vermoed toe hulle haar pa sedert eergisteroggend nie per telefoon in die hande kon kry nie. Hulle het om 19:00 na Pretorius sr. se huis gery, waar hulle gesien het ’n ruit is netjies uitgehaal. Dit was dieselfde ruit wat onlangs tydens ’n inbraak gebreek is.

“Die stopverf was nog nat en hulle het dit net weer afgehaal en die ruit uitgehaal.”

Hulle het ’n polisievriend gebel, wat die deur oopgeskop en op die lyk onder komberse op sy bed afgekom het. Sy hande was met ’n das voor teen sy keel vasgebind.

Pretorius jr. het gesê die polisie het ’n knipmes, ’n kombuismes en bebloede stukke van ’n whiskybottel in die huis gekry.

“My pa se .303-geweer is naby sy lyk gekry en die kolf is stukkend, wat daarop dui dat hulle hom dalk ook daarmee teen die kop geslaan het.”

Die rowers het vleis uit die vrieskas, ’n TV en ’n voertuig gesteel, het Pretorius jr. gesê.

Volgens hom is daar ’n sterk vermoede dat twee voormalige werknemers van sy pa vir sy dood verantwoordelik is.

“My pa het die een weggejaag toe hy hom gevang het dat hy steel. Die ander een, wat 13 jaar vir my pa gewerk het, was kwaad vir my pa omdat my pa hom nie geld wou leen vir sy kind se begrafnis nie,” het hy gesê.

Pretorius jr. het gesê hulle is hartseer en kwaad.

“Die doodstraf moet teruggebring word.”

Pretorius sr. was geskei en het alleen gebly. Hy word ook deur nog ’n dogter, me. Tannya Symons (36), oorleef.

Me. Aveline Hardaker, polisiewoordvoerder, het gesê die moordenaars het ook Pretorius se blou Daewoo-motor met die registrasienommer MJK?586?GP gesteel.

Hardaker het enigiemand met inligting oor die voorval gevra om die polisie by 0?08600?10111 te bel.

Thursday, August 20, 2009

Geskiet by vulstasie: vrou sterf

Geskryf deur Daniella du Plooy,

Die vrou wat Woensdagaand geskiet is waar sy in haar motor by 'n vulstasie in Douglasdale in die noorde van Johannesburg gesit het terwyl sy laat petrol ingooi het, is dood.

Vlugtende rowers het me. Lindsy Marshall, 'n ma van twee jong dogters, in die bors geskiet nadat hulle die bestuurder van die vulstasiewinkel van 'n beursie en selfoon beroof het.

Die mans wou vermoedelik haar motor gebruik om weg te kom van die toneel, maar het te voet gevlug nadat hulle haar geskiet het.

Marshall is na die Netcare -Sunninghill hospitaal gebring waar sy later gesterf het.

Volgens me. Mandy Toubkin, Netcare-woordvoerder, laat Marshall twee jong dogters, Kieran en Kirsten, agter.

Bron: http://www.beeld.com/Content/Suid-Afrika/Nuus/1928/899783a83cce40f0aa0f9ecb09c1bbf6/20-08-2009%2003-08/Geskiet_by_vulstasie_vrou_sterf

Friday, August 14, 2009

‘Alles was vol bloed’

Geskryf deur Hilda Fourie

’n Plaaslike raadslid het gisteroggend op haar 84-jarige pa afgekom waar hy al langer as 24 uur met ’n skietwond in die bors in sy huis in Bronkhorstspruit gelê het.

“Al wat ek gesien het, was bloed,” het me. Cecile Knox (54), DA-raadslid van die Kungwini-plaaslike owerheid, gister by die Pretoria-Oos-hospitaal gesê.

Mnr. Piet Knox is in ’n ernstige, maar bestendige toestand in die hoësorgeenheid daar.

Insp. Sanet Lourens, polisiewoordvoerder, het gesê mnr. Knox het eergisteroggend omstreeks 03:00 wakker geword en besef twee mans krap in die bedkassie en spieëlkaslaaie van sy slaapkamer rond.

Toe die mans sien hy is wakker, het hulle hom begin slaan, onder meer met ’n vuurwapen oor die kop.

Mnr. Knox het sy eie vuurwapen, wat onder die kussing langs hom gelê het, geneem en ’n skoot gevuur.

Een van die rowers het ook geskiet en die koeël het mnr. Knox in die bors getref.

Dit is deur sy long en by sy rug uit.

Die rowers het mnr. Knox se vuurwapen gegryp en gevlug.

Hy het na die sitkamer gestrompel waar hy op die vloer gaan lê het.

Hy kon niemand bel nie, want die rowers het die telefoonprop uit die muur getrek.

Hy het wakker gelê en elke nou en dan ’n peperment gesuig totdat sy dogter gisteroggend omstreeks 08:00 opgedaag het.

Sy het eers omstreeks 07:45 onraad vermoed nadat haar huiswerker bevestig het hy het nie eergister oudergewoonte die koerant vir haar gebring nie.

Me. Knox en haar pa woon sowat vyf huise van mekaar af. Voordat sy na haar pa is, het sy aan die huiswerker gesê sy glo haar pa “is nie meer met ons nie”.

By haar pa se huis was die sitkamervenster oop en die diefwering oopgebuig.

“Ek het na my pa se kamervenster geloop en gesien die bed was vol bloed.”

Knox het die polisie, ’n dokter en ’n vriend gebel.

Mnr. Amedie Bull, haar vriend, het deur die oop sitkamervenster geklim en mnr. Knox op die sitkamervloer gekry. “Amedie het net gesê my pa leef nog, maar ek moet die ambulans bel.

“Hy het op die vloer voor die televisie op sy sy gelê. Sy stoel, kussings en pajamas was vol bloed. Alles was net vol bloed.”

“Ek is ongelooflik dankbaar dat my pa nog leef.”

Bron: http://jv.news24.com/Beeld/Suid-Afrika/0,,3-975_2547633,00.html

Thursday, August 13, 2009

‘Hy gaan haar tref'

Geskryf deur Herman Scholtz,

‘Hy gaan haar tref! Hy gaan haar tref!”

Dit was die woorde van ’n ooggetuie aan haar dogter die dag toe Bernadine Kruger (16) deur ’n minibustaxi omgestamp en doodgery is.

Me. René van Zyl het gister in die Pretoriase streekhof getuig sy en haar 11-jarige dogter het gesien hoe Bernadine “deur die lug gevlieg” het.

Van Zyl het saam met die verkeer vorentoe beweeg, maar haar dogter het teruggekyk en gesê: “Die taxi stop nie!”

Mnr. Percyval Matji (31) het skuld ontken op aanklag van moord op Bernadine en drie alternatiewe aanklagte van strafbare manslag, roekelose en nalatige bestuur en onbedagsame bestuur.

Bernadine het op 23 Februarie in Atterburyweg, Pretoria, gesterf. Sy was die oggend omstreeks 07:00 met haar bromponie op pad na die Hoërskool Garsfontein toe die taxi haar getref het. Sy is op die toneel dood.

Van Zyl, mnr. Hugo Vermaak en me. Sanet Venter het al drie getuig ’n taxibestuurder het hard, aanhoudend en “aggressief” vir Bernadine toeter geblaas.

Hulle het die voorval gesien terwyl hulle in die verkeer, wat in ’n westelike rigting beweeg het, vasgesit het. Volgens hulle was daar benewens die taxi en bromponie min of geen verkeer in die teenoorgestelde rigting.

Al drie het gesê die taxibestuurder het baie vinnig gery en oënskynlik nie spoed verminder voordat sy voertuig Bernadine se bromponie getref het nie.

Dit wou voorkom of sy na die linkerbaan wou oorgaan voordat die taxi haar eers getref en toe bo-oor haar gery het, het hulle getuig.

Bernadine is etlike meter ver geslinger, het al drie getuig.

Volgens Vermaak het die taxibestuurder daarna “baie ver aangery”, toe tot stilstand gekom en ’n klein entjie teruggery voordat hy stilgehou het.

Volgens hom het Bernadine eers in die linkerbaan gery met die toetende taxi kort op haar hakke. Sy het haar flikkerlig aangesit en na regs oorbeweeg, waarna die taxi haar gevolg het.

Toe Vermaak gevra is of daar enige rede vir die taxibestuurder was om te toet, het hy gesê daar was nie eens pendelaars langs die pad nie.

“Dit het gelyk of hy haar uit die pad wil kry.”

Die ooggetuies het almal gesê hulle meen Matji kon die ongeluk vermy het deur remme aan te slaan of bloot na die linkerbaan oor te gaan.

Adv. Rendani Mufumadi het namens Matji aangevoer Bernadine het voor hom ingery, hy het vir haar getoet “toe hy besef haar tydsberekening was nie perfek nie” en haar toe per ongeluk omgery.

Mufumadi het Vermaak gevra of hy taxibestuurders haat.

“Ek stel dit aan u dat u verskuilde motiewe het. Dis waarom u getuig.”

Adv. Sanet van Rensburg, staatsaanklaer, het op dié punt beswaar aangeteken wat deur streeklanddros Edmund Patterson gehandhaaf is.

Me. Elsabé Homan, Bernadine se ma, het by tye die trane van haar wang afgevee toe die getuies haar dogter se laaste oomblikke beskryf het.

Die saak is tot volgende week uitgestel.

Bron: http://jv.news24.com/Beeld/Suid-Afrika/0,,3-975_2547632,00.html

Sunday, August 9, 2009

Sê asseblief vir my dat die tsotsi’s nie regeer

Johan van Polokwane skryf:

Ek kon gisteraand nie slaap nie.

Ek het ’n SMS van ’n vriend gekry wat deur drie gewapende barbare voor sy huis in Centurion van sy motor, skootrekenaar, kamera en selfoon beroof is. My eerste gedagte: Dankie tog hy leef nog.

Dit is mos hoe dit werk, die rooftog is alledaags. Ons arme drommels wat aan die genade van rampokkers oorgelaat word, is maar net te dankbaar as ons met ons lewens daarvan afkom.

Ek sit en dink aan die eerste keer dat misdaad my familie geraak het.

Dit was ’n gewapende motorkaping sowat tien jaar gelede, die gelukkige een om te bly leef, my skoonsuster.

Daarna word my selfoon met ’n mes en geweld afgevat. ’n Huisbraak in dieselfde jaar.

’n Vriendin se man word doodgeskiet tydens ’n gewapende roof.

Nog ’n vriendin word voor die bank waar sy werk met ’n AK47 afgemaai.

’n Jaar of wat later word ’n vriend se vrou in ’n salon van agter in die kop doodgeskiet.

Een van my beste vriende se beurt was verlede jaar toe ook hy van agter in die kop in ’n rooftog doodgeskiet is.

’n Paar van ons vriende kuier bymekaar. In die geselskap sit twee vroue.

Elkeen het twee skoonseuns gehad wat vermoor is. Twee in plaasmoorde en twee in gewapende rooftogte.

Kom aan, pres. Zuma, sê vir my asseblief die tsotsi’s regeer nie die land nie.

Bron: http://jv.news24.com/Beeld/Opinie/Briewe/0,,3-2085-73_2546560,00.html

20 armed robbers hail bullets at police

Gauteng police on Saturday night walked in on some 20 heavily armed robbers in action sparking a shoot-out that left one wounded, their spokesperson said on Sunday.

Captain Julia Claassen said the robbers armed with AK-47's and 9mm pistols broke into the Mediterranean shipping company around 11.15pm in City Deep and tied up security guards.

She said police were alerted to the robbery in progress and on arrival a shoot-out broke out leaving one of the suspects wounded.

Five other suspects aged between 27 and 38 were arrested on scene and two 9mm pistols were recovered.

The rest of the other suspects managed to escape into the nearby bushes, Claassen said.

The suspects arrested were charged with business robbery and they are all expected to appear in the Johannesburg Magistrate's Court soon. - Sapa

Source: http://www.int.iol.co.za/index.php?set_id=1&click_id=13&art_id=nw20090809092748938C797000